آخر تحديث: نوفمبر ٢٠٢٦

شروط الاستخدام

باستخدامك لنظام tazkara، إنت موافق على الشروط دي. والتفاصيل النهائية بتكون في عقد الاشتراك أو الترخيص الموقّع.

الاشتراك والدفع

• الأسعار بالدولار، والدفع بالجنيه بسعر الصرف يوم الفاتورة، ومن غير ضريبة القيمة المضافة.
• الدفع بانستا باي أو بتحويل بنكي.
• الاشتراك الشهري بيتدفع مقدّم أول كل شهر، والسنوي مقدّم مرة واحدة.
• فيه تجربة مجانية ١٤ يوم. وبعد الدفع مفيش استرداد، والاشتراك السنوي لو اتلغى بيكمّل لحد آخر مدته.

التأخير في الدفع

• بعد ميعاد الدفعة فيه ٧ أيام سماح، وبعدها النظام بيتوقف مؤقتًا لحد ما الدفعة تتسجّل، وبيرجع يشتغل لوحده.
• البيانات مابتتمسحش، وبتتحفظ ٩٠ يوم من التوقف.
• نفس الكلام بعد انتهاء التجربة المجانية لو مااشتركتش.

البيانات

• بيانات الوكالة ملكها، وتقدر تصدّرها في أي وقت.
• الوكالة مسؤولة عن صحة البيانات اللي بتسجّلها، وعن صلاحيات موظفيها.

الاستخدام

• كل مستخدم بيدخل باسمه، وممنوع مشاركة الحساب.
• ممنوع استخدام النظام في أي حاجة مخالفة للقانون.

تغيير الأسعار

لو رفعنا الأسعار، العميل الحالي بيفضل على سعره لحد آخر عقده، وبنبلّغه قبلها بـ٦٠ يوم.